బాహుబలి మూవీ రివ్యూ
- April 27, 2017సమర్పణ: కె.రాఘవేంద్రరావు
నిర్మాణ సంస్థ: ఆర్కా మీడియా వర్క్స్
తారాగణం: ప్రభాస్, అనుష్క, తమన్నా, రానా, సత్యరాజ్, నాజర్, రమ్యకృష్ణ , సుబ్బరాజు తదితరులు
సంగీతం: ఎం.ఎం.కీరవాణి
సినిమాటోగ్రఫీ: కె.కె.సెంథిల్కుమార్
కథ: వి.విజయేంద్రప్రసాద్
ప్రొడక్షన్ డిజైనర్: సాబుశిరిల్
వి.ఎఫ్.ఎక్స్: కమల్ కణ్ణన్
కూర్పు: కోటగిరి వెంకటేశ్వరరావు
యాక్షన్: కింగ్ సాల్మాన్
సౌండ్ డిజైనర్: పి.ఎం.సతీష్
క్యాస్టూమ్స్: రమారాజమౌళి, ప్రశాంతి త్రిపురినేని
లైన్ ప్రొడ్యూసర్: శ్రీవల్లీ
నిర్మాతలు: శోభు యార్లగడ్డ, ప్రసాద్ దేవినేని
దర్శకత్వం: ఎస్.ఎస్.రాజమౌళి
బాహుబలి..రాజమౌళి, రెండు పేర్లు, ఐదేళ్ళ ప్రయాణం..కానీ తెలుగు సినిమాలో మరచిపోలేని చరిత్రను క్రియేట్ చేశాయి. విజువల్ వండర్గా తెరకెక్కిన ఈ సినిమాను రెండు పార్టులుగా తెరకెక్కించారు. బాహుబలి ది బిగినింగ్ సినిమా 2015లో విడుదలై 600 కోట్లకు పైగా కలెక్షన్స్తో తెలుగు సినిమా చరిత్రను ప్రపంచానికి తెలియజేశాయి. పార్ట్ 1 కనీవినీ ఎరుగని రీతిలో విజయం సాధించడంతో బాహుబలి 2 ఎలా ఉంటుందోనని ఆసక్తి మరింత పెరిగింది. అసలు కట్టప్ప బాహుబలిని ఎందుకు చంపాడనే ప్రశ్న ఈ రెండేళ్లు అందరిలో క్యూరియాసిటినీ మరింత పెంచింది. దాదాపు రెండేళ్ల తర్వాత ప్రేక్షకుల ముందుకు వస్తున్న 'బాహుబలి 2' ప్రేక్షకులను ఎలా ఆకట్టుకుంది..అసలు కట్టప్ప బాహుబలిని ఎందుకు చంపాడు? అనే విషయాలు తెలుసుకోవాలంటే ముందు కథలోకి వెళదాం..
కథ:
బాహుబలి ది బిగినింగ్కు కొనసాగింపుగా బాహుబలి 2 మొదలవుతుంది. కాళకేయులపై గెలిచిన తర్వాత అమరేంద్ర బాహుబలిని రాజమాత శివగామి మహారాజుగా ప్రకటిస్తుంది. అది భళ్ళాళదేవుడుకి, బిజ్జలదేవుడుకి నచ్చదు. ఎలాగైనా రాజ్యాన్ని చేజిక్కించుకోవాలని ఆలోచనలు చేస్తుంటారు. మహారాజుగా పట్టాభిషేకం చేసేలోపు ప్రజల బాగోగులు చూడాలని బాహుబలి, కట్టప్పతో కలిసి దేశాటన బయలుదేరుతాడు. చిన్నరాజ్యమైన కుంతల దేశాన్ని చేరుతాడు. అక్కడ దేవసేనను చూసి ప్రేమిస్తాడు. ఆమె ప్రేమ పొందడానికి అక్కడే మకాం వేస్తాడు. దేవసేన అందం తెలివి తేటలు తెలుసుకున్న భళ్ళాలదేవుడు, దేవసేనను తనకు భార్యగా చేయమని శివగామిని కోరుతాడు. శివగామి కూడా మాట ఇచ్చి కానుకలు పంపుతుంది. అయితే బాహుబలిని ప్రేమిస్తున్న దేవసేన ఆమె కోరికను తిరస్కరించి ఆమె కోపానికి గురవుతుంది. బాహుబలి దేవసేనను తన రాజ్యానికి తీసుకుని వస్తాడు. అక్కడ రాజ్యం కావాలా? దేవసేన కావాలా? అనే సందిగ్ధం ఏర్పడినప్పుడు బాహుబలి దేవసేనకు ఇచ్చిన మాట ప్రకారం ఆమెనే పెళ్లాడుతాడు. మహారాజు పదవిని వదులుకుని సర్వసైన్యాధ్యక్షుడుగా పదవిని అలంకరిస్తాడు. అయితే బాహుబలికి ప్రజల్లోని గౌరవాన్ని తగ్గించాలనే ఆలోచనతో భళ్ళాళదేవుడు, బాహుబలిపై కుట్రలు చేసి సైన్యాధ్యక్ష పదవి నుండి తొలిగిస్తాడు. తనపై తనే హత్యాయత్నం చేసుకుని బాహుబలిపై శివగామికి అనుమానం వచ్చేలా చేసి ఆమె నోటితో బాహుబలిని చంపమని కట్టప్పకు ఆదేశం ఇచ్చేలా ప్రణాళిక చేస్తాడు. ఇంతకు బాహుబలిని కట్టప్ప చంపుతాడా? శివగామికి చివరకు నిజం ఎలా తెలుస్తుంది? తన తండ్రి గతం, గొప్పతనం గురించి తెలుసుకున్న శివుడు భళ్ళాలదేవుడుని ఎలా ఎదుర్కొంటాడు? తన తల్లి దేవసేనకు విముక్తి ఎలా కలిగిస్తాడు? అనే విషయాలు తెలుసుకోవాలంటే సినిమా చూడాల్సిందే...
బలాలు:
- కథనం
- ఎమోషనల్ డ్రామా
- సంగీతం
- బ్యాక్గ్రౌండ్ స్కోర్
- సినిమాటోగ్రఫీ
- విఎఫెక్స్
బలహీనతలు:
- నిడివి ఎక్కువగా ఉండటం
విశ్లేషణ:
నటీనటుల విషయానికి వస్తే అమరేంద్ర బాహుబలిగా ప్రభాస్ అద్భుతమైన నటనను కనపరిచాడు. భళ్ళాలదేవుడుగా రానా విలనిజం సినిమాకు పెద్ద హైలైట్ అయ్యింది. శివగామిగా రమ్యకృష్ణ పూర్తి పాత్ర మెప్పిస్తుంది. కట్టప్పగా సత్యరాజ్ తనదైన నటనతో మెప్పించాడు. ఫస్టాఫ్లో సిచ్యువేషనల్ కామెడి క్రియేట్ చేశాడు. అలాగే ఎమోషన్ సన్నివేశాల్లో, శివగామికి నిజాన్ని చెప్పే సందర్భంలో, బాహుబలిని చంపే సీన్లో సత్యరాజ్ నటన ఎక్సలెంట్. ఇక దేవసేనగా అనుష్క చాలా అందంగా కనిపించింది. నటన పరంగా కూడా మెప్పించింది. తమన్నా పాత్ర ఇందులో చాలా పరిమితమైంది. ఇక అనుష్క బావ పాత్రలో సుబ్బరాజు కూడా మెప్పించాడు. సన్నివేశాల పరంగా చూస్తే ప్రతి సీన్ అద్భుతం. ప్రతి సీన్ను ఎమోషనల్గా డైరెక్టర్ రాజమౌళి తెరకెక్కించిన విధానం చూసి ఆశ్చర్య పోవాల్సిందే. ముఖ్యంగా ప్రభాస్, అనుష్క మధ్య వచ్చే డ్యూయెట్ సాంగ్ కుంతల దేశాన్ని పిండారిల భారీ నుండి బాహుబలి కాపాడే సందర్భంలో ప్రతి సన్నివేశం ఎంతో గ్రాండియర్గా ఉంటుంది. ఇక సెకండాఫ్ విషయానికి వస్తే తల్లి కొడుకుల మధ్య, అన్నదమ్ముల మధ్య ఎమోషనల్ సన్నివేశాలు, బాహుబలి చనిపోయే సీన్ ఇలా అన్నీ ఆకట్టుకున్నాయి. రాజమౌళి ప్రతి సీన్ని హృద్యంగా తెరకెక్కించాడు. తెలుగు సినిమాను తన విజన్తో ప్రపంచ స్థాయికి తీసుకెళ్ళాడు. కీరవాణి సంగీతంతో పాటు బ్యాక్గ్రౌండ్ స్కోర్ కూడా అదరగొట్టాడు. భళి భళిరా సాంగ్, దండాలయ్యా సాంగ్స్ సహా అన్నీ సాంగ్స్ బావున్నాయి. అలాగే సన్నివేశాల మధ్య బ్యాక్గ్రౌండ్ స్కోర్తో గాఢతను పెంచాడు. సెంథిల్ కుమార్ సినిమాటోగ్రఫీ ది బెస్ట్. ఇక కమల్ కణ్ణన్ విజువల్ ఎఫెక్ట్స్ సినిమాను హాలీవుడ్ రేంజ్లో నిలిపింది. ‘నువ్వు నా పక్కనుండేంత వరకు నన్ను చంపే మగాడింకా పుట్టలేదు మామ...సహా డైలాగ్స్ అన్నీ సందర్భానుసారం ఆకట్టుకుంటాయి. ఇక ఈ సినిమాలో ముఖ్యంగా చెప్పుకోవాల్సింది యుద్ధ సన్నివేశాలు..ఆ సీన్స్ చూస్తుంటే తెలుగు సినిమా స్టాండర్డ్ను హాలీవుడ్ రేంజ్లో చేసినందుకు అభినందిచాల్సినిపించింది. సాబుశిరిల్ ప్రొడక్షన్ డిజైనింగ్ ఇలా అన్నీ సినిమాను మరో రేంజ్లోనిలిపాయి. సినిమా లెంగ్త్ ఎక్కువ కావడం మినహా ఆకట్టుకునే విజువల్ వండర్.
బోటమ్ లైన్: భళి భళి రా భళి..సాహోరే బాహుబలి
రేటింగ్: 4/5
తాజా వార్తలు
- మళ్లీ టెన్షన్ పెడుతోన్న కరోనా.. సింగపూర్లో వ్యాపిస్తోన్న మహమ్మారి
- భారత్ లో రేపు ఐదో దశ పోలింగ్.. పోటీలో ప్రముఖ నేతలు
- సర్వత్రా ఉత్కంఠ..ఇరాన్ అధ్యక్షుడు రైసీ ప్రయాణిస్తున్న హెలికాప్టర్ పర్వతాల్లో క్రాష్..
- విదేశీ పర్యటనకు చంద్రబాబు
- షెడ్యూల్ కంటే ముందే మెట్రో స్టేషన్లు పునర్ ప్రారంభం
- జిలీబ్లో లిక్కర్ ఫ్యాక్టరీ సీజ్
- దుబాయ్ ఫ్లీ మార్కెట్ గురించి తెలుసా?
- మడా కార్డ్ మోసాల ఫిర్యాదుకు ఆన్లైన్ సేవ ప్రారంభం
- మహిళలు,వృద్ధుల సాధికారతకు ఒమన్ కృషి
- ఖతార్ ప్రెసిషన్ హెల్త్ ఇన్స్టిట్యూట్ కొత్త రికార్డు