అమెరికా ప్రభుత్వానికి సంబంధించిన అత్యంత రహస్యమైన గూఢచర్య ఉపగ్రహాన్ని స్పేస్‌ఎక్స్‌ సంస్థ సోమవారం ప్రయోగించింది. ఫాల్కన్‌9 రాకెట్‌ ద్వారా ఫ్లోరిడాలోని కెన్నెడీ అంతరిక్ష కేంద్రం నుంచి ఈ ప్రయోగం జరిగింది. ప్రయోగానంతరం ఈ రాకెట్‌లోని ప్రధాన బూస్టర్‌.. మళ్లీ విజయవంతంగా నేల మీదకు తిరిగి వచ్చింది. అంతరిక్ష వ్యయాలను తగ్గించుకునే క్రమంలో దీన్ని మరోసారి ప్రయోగానికి ఉపయోగించనున్నారు. జాతీయ నిఘా కార్యాలయం కోసం స్పేస్‌ఎక్స్‌ సంస్థ చేపట్టిన తొలి ప్రయోగం ఇది. సంబంధిత ఉపగ్రహ వివరాలను గోప్యంగా ఉంచారు.