కొలంబియాలో ఓ సైనిక విమానం ప్రమాదానికి గురైంది. మిలిటరీ బేస్‌ నుంచి బొగోటాకు బయలుదేరిన సెస్నా కరవాన్‌ అనే సింగిల్‌ ఇంజిన్‌ విమానం సెంట్రల్‌ కొలంబియాలో కూలిపోయింది. ఈ ఘటనలో అందులో ప్రయాణిస్తున్న ఎనిమిదిమంది మృతి చెందినట్లు అధికారులు వెల్లడించారు.
ప్రమాదంలో మృతి చెందిన వారిలో ఓ సీనియర్‌ మిలిటరీ అధికారి ఉన్నారని స్థానిక మీడియా వెల్లడించింది. ప్రమాదానికి ప్రతికూల వాతవరణ పరిస్థితులే కారణంగా భావిస్తున్నారు. ఘటనపై విచారణకు ఆదేశించినట్లు అధికారులు వెల్లడించారు. కొలంబియా అధ్యక్షుడు మాన్యుయల్‌ సాంటోస్‌ మృతుల కుటుంబాలకు తన ప్రగాఢ సానుభూతి తెలిపారు.