అబుదాబీ క్రౌన్‌ ప్రిన్స్‌, యూఏఈ ఆర్మ్‌డ్‌ ఫోర్సెస్‌ డిప్యూటీ సుప్రీమ్‌ కమాండర్‌ షేక్‌ మొహ్మద్‌ బిన్‌ జాయెద్‌ అల్‌ నహ్యాన్‌, మే 1న మేడే సందర్భంగా కార్మిక దినోత్సవ శుభాకాంక్షలు తెలిపారు. అంతర్జాతీయ కార్మిక దినోత్సవం నాడు, యూఏఈ నిర్మాణంలో కార్మికుల పాత్రను ప్రత్యేకంగా కొనియాడారు షేక్‌ మొహ్మద్‌. ట్విట్టర్‌ ద్వారా కార్మిక శుభాకాంక్షలు తెలుపుతూ, యూఏఈ నిర్మాణంలో కార్మికుల పాత్ర చాలా గొప్పదని పేర్కొన్నారు. యూఏఈ అభివృద్ధిలో కార్మికుల పాత్ర చాలా ఎక్కువని ఆయన అన్నారు. కార్మికులతో కలిసి సమావేశమయిన ఫొటోల్ని, వీడియోల్ని ఈ సందర్భంగా ఇన్‌స్టాగ్రామ్‌లో పోస్ట్‌ చేశారాయన.