ప్రభాస్ - సుజిత్ ల కాంబినేషన్‌లో తెరకెక్కుతున్న చిత్రం సాహో. యూవీ క్రియేషన్స్‌సంస్థ తెరకెక్కిస్తోంది. బాహుబలి 2తో పాటు సాహో టీజర్‌ని విడుదల చేశారు. 40 సెకన్ల టీజర్ దుమ్ము దులుపుతోంది.
ఇప్పుడీ సినిమాలో ఓ యాక్షన్ ఎపిసోడ్ షూట్ కోసం రంగం సిద్ధం చేస్తున్నారు. వచ్చేనెల మొదటివారంలో ఈ షూట్ వుంటుంది. ఈ షెడ్యూల్ ను అబుదాబిలో ప్లాన్ చేశారు. దాదాపు రెండు నెలల పాటు ఈ సినిమా షూటింగ్ అక్కడ జరగనుందని ప్రొడ్యూసర్ ప్రమోద్ ఉప్పలపాటి తెలిపారు.
తెలుగు, తమిళం, హిందీ భాషలలో ఏకకాలంలో రూపొందనున్న ఈ చిత్రానికి హాలీవుడ్ స్టంట్ మాస్టర్ కెన్నీ బేట్స్ పనిచేయనుండగా బాలీవుడ్ సంగీత దర్శకుల త్రయం శంకర్, ఇహసాన్, లోయ్ లు సంగీతాన్ని అందించనున్నారు.