26 ఏళ్ళ ఎమిరేటీ వ్యక్తి, యూఏఈ డ్రైవింగ్‌ లైసెన్స్‌ని అక్రమంగా పొందాడు. ఫోర్జరీ లైసెన్స్‌ని రోడ్స్‌ అండ్‌ ట్రాన్స్‌పోర్ట్‌ అథారిటీ వద్ద ఇచ్చి, ఆ వ్యక్తి లైసెన్స్‌ని పొందినట్లుగా అధికారులు గుర్తించారు. సౌదీ అరేబియా జారీ చేసిన లైసెన్స్‌గా ఓ ఫేక్‌ లైసెన్స్‌తో, ఆర్‌టిఎ నుంచి లైసెన్స్‌ పొందడం చర్చనీయాంశంగా మారింది. అయితే ఆర్‌టిఎలో అప్రమత్తంగా లేని ఓ అధికారి వల్ల ఈ తప్పిదం జరిగినట్లు గుర్తించారు. మొత్తం ఇద్దరు వ్యక్తులు ఇలా అక్రమంగా లైసెన్సుల్ని పొందినట్లు విచారణలో తేలింది. అక్రమ లైసెన్సుల విషయంలో సౌదీ అథారిటీస్‌తో యూఏఈ అథారిటీ సంప్రదింపులు జరిపాయి. ఈ క్రమంలో వారు చూపించిన లైసెన్సులు అక్రమం అని తేలింది. దాంతో కేసులు నమోదు చేశారు.