మస్కట్‌ మరియు సోహార్‌లో ఆర్పిక్‌ సంస్థ, వరల్డ్‌ డే ఫర్‌ సేఫ్టీ మరియు హెల్త్‌ ఎట్‌ వర్క్‌ని ఘనంగా నిర్వహించింది. 'డిసెంట్‌ వర్క్‌ అండ్‌ ఎకనమిక్‌ గ్రోత్‌' థీమ్‌లో ఈ కార్యక్రమం చేపట్టారు. ఆర్పిక్‌ చీఫ్‌ ఎగ్జిక్యూటివ్‌ ఆఫీసర్‌ అహ్మద్‌ సలెహ్‌ అల్‌ జహ్‌దామి మాట్లాడుతూ, వరల్డ్‌ డే ఫర్‌ సేఫ్టీ అండ్‌ హెల్త్‌ ఎట్‌ వర్క్‌ కార్యక్రమం ఆర్పిక్‌ ఉద్యోగులు, అలాగే కాంట్రాక్టర్లకు మంచి అవకాశమనీ, పనిచేసే ప్రాంతాల్లో భద్రత, అలాగే ఆరోగ్యకరమైన వాతావరణంపై అవగాహన చాలా ముఖ్యమనీ, అప్పుడే ఏ సంస్థ అయినా అభివృద్ధి పథంలో పయనిస్తుందని వివరించారు. ఈ ఏడాది ఆర్పిక్‌, తమ ఉద్యోగుల కోసం చేపట్టిన కార్యక్రమం ద్వారా పనిచేసే ప్రదేశాల్లో భద్రత, అలాగే ఆరోగ్యకరమైన పరిస్థితులపై అవగాహన కల్పిస్తున్నామని ఆయన చెప్పారు. ఒకరోజు ప్రచార కార్యక్రమంలో హెల్త్‌, సేఫ్టీ, ఎన్విరాన్‌మెంట్‌పై పలు ఆసక్తికరమైన అంశాల్ని రూపొందించారు. 2003లో ఇంటర్నేషనల్‌ లేబర్‌ ఆర్గనైజేషన్‌ ఈ 'వరల్డ్‌ డే ఫర్‌ సేఫ్టీ అండ్‌ హెల్త్‌ ఎట్‌ వర్క్‌'ని ప్రకటించింది. పని చేసే ప్రదేశాల్లో అనారోగ్య సమస్యలు, ప్రమాదాలు, ఇతరత్రా భద్రతాపరమైన ఇబ్బందులపై కార్మికుల్లో అవగాహన కల్పించేందుకు ఈ కార్యక్రమం చేపట్టారు. ఒమన్‌ ఆయిల్‌ రిఫైనరీస్‌ అండ్‌ పెట్రోలియం ఇండస్ట్రీ కంపెనీ (ఆర్పిక్‌), ఒమన్‌లోనే అతి పెద్ద సంస్థ. సోహార్‌, మస్కట్‌లలో ఈ సంస్థ ప్లాంట్లు ఫ్యూయల్‌, కెమికల్స్‌, ప్లాస్టిక్స్‌ని అందిస్తున్నాయి.