గంగా అభివృద్ధి సాధిస్తున్న ఇండియాకి చెందిన లోకాస్ట్‌ క్యారియర్‌ ఇండిగో, దోహాకి తమ సేవల్ని ప్రారంభించింది. ఢిల్లీ - దోహా విమానం 6ఇ1701, హమాద్‌ ఇంటర్నేషనల్‌ ఎయిర్‌పోర్ట్‌కి చేరుకుంది. ఇండిగోకి సంబంధించినంతవరకు షార్జా, మస్కట్‌ మరియు దుబాయ్‌ తర్వాత ఇండిగో నెట్‌వర్క్‌లో నాలుగో మిడిల్‌ ఈస్టర్న్‌ డెస్టినేషన్‌ అలాగే, ఏడవ ఇంటర్నేషనల్‌ డెస్టినేషన్‌గా దోహా మారింది. హెచ్‌ఐఏ వద్ద జరిగిన ఇనాగ్యురల్‌ సెర్మనీలో, తొలి విమానానికి ఘనంగా స్వాగతం పలికారు. ఢిల్లీ - దోహా, ముంబై - దోహా మధ్య అందరికీ అందుబాటులో ఉండే ఛార్జీలతో విమాన సర్వీసుల్ని నడుపుతున్నట్లు ఇండిగో వర్గాలు వెల్లడించాయి. ఇండిగో చీఫ్‌ కమర్షియల్‌ ఆఫీసర్‌ సంజయ్‌ కుమార్‌ మాట్లాడుతూ, ఖతార్‌ ఎకనమిక్‌ మరియు కల్చరల్‌ హబ్‌ కావడంతో దోహా, వ్యాపార వర్గాల్ని విశేషంగా ఆకర్షిస్తోందని చెప్పారు. టూరిజం పరంగానూ దోహా ఎంతో ప్రత్యేకతను చాటుకుందన్నారు. తద్వారా ప్రయాణీకులు దోహా వెళ్ళేందుకు ఎక్కువగా ముందుకొస్తున్నట్లు వివరించారాయన. హెచ్‌ఐఏ చీఫ్‌ ఆపరేటింగ్‌ ఆఫీసర్‌ బదర్‌ మొహమ్మద్‌ అల్‌ మీర్‌ మాట్లాడుతూ, ప్రయాణీకుల సౌకర్యం తమ తొలి ప్రాధాన్యం అని చెప్పారు. ఇండిగో విమానాల చేరికతో, మొత్తం వారానికి 25 విమానాలు ముంబై నుంచి, అలాగే 35 విమానాలు ఢిల్లీకి పయనమవుతున్నట్లు వివరించారు.