పవిత్ర రమదాన్‌ మాసం మే 27న ప్రారంభమయ్యే అవకాశాలున్నాయి. జూన్‌ 24న రమదాన్‌ మాసం ముగియవచ్చునని మూన్‌ సైటింగ్‌ రిపోర్ట్స్‌ని బట్టి తెలియవస్తోంది. తొలి క్రిసెంట్‌ న్యూ మూన్‌తో రమదాన్‌ మాసం ముగుస్తుంది. ఈద్‌ అల్‌ ఫితర్‌, ఇస్లామిక్‌ హాలిడే - అదే రమదాన్‌ మాసం ముగింపుగా పరిగణిస్తారు. రమదాన్‌ సందర్బంగా యూఏఈలో పని గంటల్ని రెండు గంటలపాటు తగ్గించడం ఆనవాయితీగా వస్తోంది. సూర్యోదయం నుంచి సూర్యాస్థమయం వరకు రమదాన్‌ సందర్భంగా ఉపవాస దీక్షలు చేస్తారు ప్రపంచ వ్యాప్తంగా ముస్లిం సోదరులు. ఒక్కోసారి రమదాన్‌ తేదీ కొన్ని దేశాల్లో కొంచెం అటూ ఇటూగా ఉంటుంది. చంద్ర దర్శనాన్ని బట్టి ఈ మార్పులు ఉంటాయి. రోజువారీ ఉపవాస దీక్ష సమయం, సూర్యోదయం - సూర్యాస్థమయ సమయాల్ని బట్టి మారుతుంటుంది. వేసవి కాలంలో వచ్చే రమదాన్‌ కారణంగా ఉపవాస దీక్షల సమయం ఎక్కువ ఉంటుంది.