కింగ్‌ ఖాన్‌, బాలీవుడ్‌ సూపర్‌ స్టార్‌ షారుక్‌ఖాన్‌, దుబాయ్‌లోని జలియా చిల్డ్రన్స్‌ స్పెషాలిటీ ఆసుపత్రిని సందర్శించారు. ఈ సందర్భంగా అక్కడ చికిత్స పొందుతున్న పలువురు చిన్నారులతో మాట్లాడి, వారి ఆరోగ్య పరిస్థితిపై ఆరా తీశారు. తమ అభిమాన నటుడు అలా తమ వద్దకు రావడంతో చిన్నారుల ఆనందానికి హద్దుల్లేకుండాపోయింది. 'బిమై గెస్ట్‌ ఫిలిం' పేరుతో దుబాయ్‌ టూరిజం నిర్వహిస్తోన్న ప్రమోషనల్‌ క్యాంపెయిన్‌ కోసం బాలీవుడ్‌ ప్రముఖులు దుబాయ్‌ తరలి వచ్చారు. షారుక్‌ఖాన్‌ని కలిసేందుకు, ఆయనతో మాట్లాడేందుకు దుబాయ్‌లోని షారుక్‌ అభిమానులు పోటీ పడ్డారు. బి మై గెస్ట్‌ ఫిలిం సోషల్‌ మీడియాకి చెందిన వివిధ ప్లాట్‌ఫామ్‌లపై 45 మిలియన్‌ వ్యూస్‌ని సంపాదించింది ఇప్పటిదాకా. ప్రపంచ వ్యాప్తంగా యూ ట్యూబ్‌ ట్రెండంగ్‌ని తీసుకుంటే 48 గంటల్లోనే మూడో స్థానంలో నిలిచింది. డిసెంబర్‌లో ప్రపంచ వ్యాప్తంగా ఎక్కువమంది వీక్షించిన వీడియోల్లో టాప్‌ 10లో చోటు దక్కించుకుంది.