సినీ ఇండస్ట్రీలో సక్సెస్‌ఫుల్ యాక్టర్స్ , ఆర్టిస్టులకు , టెక్నిషియన్స్‌కు డిమాండ్ ఉంటుంది. ఒక సినిమా హిట్టైన ఆఫర్స్ వారిని తరుముతు ఉంటాయి.  హ్యాట్రిక్ సక్సెస్‌తో  హీరోయిన్ కీర్తి సురేష్‌ను ఆఫర్స్ వెంటాడుతున్నాయి. కీర్తి సురేష్ జోరు ఇప్పుడు టాలీవుడ్, కోలీవుడ్లలో మామూలుగా లేదు. యంగ్ హీరోలతో పాటు స్టార్ హీరోలతోనూ వరుసగా ఫిల్మ్ చేసేస్తుంది ఈ బ్యూటీ. తెలుగు, తమిళ భాషల్లో కీర్తి సురేష్ హీరోయిన్‌గా తెరకెక్కిన సినిమాలన్నీ ఘనవిజయం సాధించటంతో ఆమెకు ఫుల్ డిమాండ్ ఏర్పడింది.
కోలీవుడ్ స్టార్ హీరో విక్రమ్ కూడా కీర్తి డేట్స్ కోసం తానే అడ్జస్ట్ చేసుకుంటున్నాడట. విలక్షణ నటుడిగా నేషనల్ లెవల్‌లో గుర్తింపు తెచ్చుకున్న విక్రమ్, మాస్ యాక్షన్ సినిమాల డైరెక్టర్ హరి దర్శకత్వంలో సామి 2 సినిమాలో నటిస్తున్నాడు. ఈ సినిమాలో కీర్తి సురేష్ను హీరోయిన్గా తీసుకోవాలని నిర్ణయించారు. ఐతే ప్రస్తుతం చేతినిండా సినిమాలతో కీర్తి బిజీగా ఉండటంతో ఆమె డేట్స్కు  తగ్గట్టుగా విక్రమ్ తన డేట్స్‌ను అడ్జస్ట్ చేసుకుంటున్నాడట. కొంత కాలంగా తన రేంజ్కు తగ్గ హిట్ ఇవ్వలేకపోతున్న విక్రమ్ కూడా కీర్తి లక్ మీద నమ్మకం పెట్టుకున్నట్టు తెలుస్తోంది.