మస్కట్‌: నాలుగు రోజులపాటు ఒమన్‌ కోస్తా తీర ప్రాంతాల్లో వర్షం కురిసే అవకాశం ఉందనీ, క్యాపిటల్‌లో కూడా వర్షం కురుస్తుందని పబ్లిక్‌ అథారిటీ ఆఫ్‌ సివిల్‌ యావియేషన్‌ (పిఎసిఎ) వెల్లడించింది. పిఎసిఎ, లో డిప్రెషన్‌ కారణంగా కోస్తా ప్రాంతాల్లో వర్ష సూచన ఉందని వివరించింది. మస్కట్‌, నార్త్‌ మరియు సౌత్‌ షర్కియా, దఖ్లియా, సౌత్‌ బతినా తదితర ప్రాంతాల్లో వర్షం కురిసే అవకాశముంది. థండర్‌ స్టార్మ్స్‌, షవర్స్‌ గురువారం నుంచి శనివారం వరకు కొనసాగుతాయి. ఒమన్‌ సముద్రంలో కెరటాల ఎత్తు రెండున్నర మీటర్ల వరకు ఉండవచ్చునని అంచనా వేస్తున్నారు.