మూడు ప్రధాన రోడ్‌ ప్రాజెక్టులు వెస్టర్న్‌ మరియు సౌత్‌ వెస్టర్న్‌ సైడ్‌ ఆఫ్‌ ఖతార్‌లో పూర్తయ్యేందుకు సిద్ధంగా ఉన్నాయని పబ్లిక్స్‌ వర్క్స్‌ అథారిటీ అష్గల్‌ వెల్లడించింది. రాదత్‌ రషెద్‌ రోడ్‌ (ఫేజ్‌ 3), న్యూ ఇండస్ట్రియల్‌ ఏరియా ఇంటర్‌ఛేంజ్‌ (ఆర్బిటల్‌ హైవేపై), రోడ్స్‌ అండ్‌ ఇన్‌ఫ్రాస్రక్టచర్‌ డెవలప్‌మెంట్స్‌ - బని హజెర్‌ నార్త్‌ ఆ మూడు ప్రాజెక్టులు. సల్వా రోడ్‌ - దుకాన్‌ ఎక్స్‌ప్రెస్‌వేలను కలిపే రాదత్‌ రషెద్‌ రోడ్డు పనులు దాదాపు పూర్తి కావస్తున్నాయి. 14 కిలోమీటర్ల మేర ఇరువైపులా మూడు లేన్లతో ఈ ఫేజ్‌ 3 ప్రాజెక్ట్‌ని డిజైన్‌ చేశారు. ఈ ఏడాది చివరి క్వార్టర్‌ నాటికి ఈ ప్రాజెక్ట్‌ పూర్తవుతుంది. 40 శాతానికి పైగా ఈ ప్రాజెక్ట్‌లో ఫేజ్‌ 3 పూర్తయ్యిందని అధికారులు వివరించారు. న్యూ ఇండస్ట్రియల్‌ ఏరియా రోడ్‌ ఇంటర్‌ఛేంజ్‌ పనులు 70 శాతానికి పైగా పూర్తయ్యాయి. ఈ ఏడాది చివరి నాటికి ఈ ఇంటర్‌ఛేంజ్‌ ద్వారా రాకపోకలు సాగుతాయి. బని హజెర్‌ నార్త్‌ ప్రాజెక్ట్‌ కూడా 70 శాతం పూర్తయ్యింది.