తెలుగు అసోసియేషన్ ఆఫ్ నార్త్ అమెరికా తానా తన 21వ మహాసభలను దిగ్విజయంగా నిర్వహించేందుకు ఘనంగా ఏర్పాట్లు చేస్తోంది. సెయింట్ లూయిస్ లో మూడు రోజుల పాటు నిర్వహించే ఈ వేడుకల్లో దివంగత మాజీ ముఖ్యమంత్రి, సినీనటుడు నందమూరి తారక రామారావు  జన్మదిన వేడుకలను నిర్వహిస్తున్నట్లు తానా సభ్యులు తెలిపారు. దీనిలో భాగంగా అన్నగారికి సంబంధించిన అపురూప చిత్రపటాల ప్రదర్శన కూడా ఏర్పాటు చేస్తున్నట్లు కమిటీ నిర్వహకులు వెల్లడించారు. తానా వేడుకల్లో ఈ కార్యక్రమం ప్రత్యేకతను చాటుకోనుందని ఎన్ టి ఆర్ జన్మదిన వేడుకల కార్యవర్గ సభ్యులు వివరించారు.