ప్రముఖ హాలీవుడ్ నటుడు ‘జేమ్స్ బాండ్’ పాత్రధారి రోజర్ మూర్ మంగళవారం కన్నుమూశారు. 89ఏళ్ల రోజర్ గత కొద్ది కాలంగా క్యాన్సర్తో బాధపడుతున్నట్లు ఆయన కుటుంబసభ్యులు వెల్లడించారు. ఆయన పలు చిత్రాల్లో బ్రిటీష్ గూఢచారి జేమ్స్ బాండ్ పాత్రను పోషించారు. రోజర్ మూడో బాండ్ పాత్రధారిగా నటించి ఎంతోమంది అభిమానులను సొంతం చేసుకున్నారు. 1973 నుంచి 1985 మధ్య కాలంలో వచ్చిని బాండ్ సిరీస్ ఏడు చిత్రాల్లో ఆయన జేమ్స్బాండ్గా నటించారు.
1927 అక్టోబర్ 14న లండన్లోని స్టాక్వెల్లో రోజర్ మూర్ జన్మించారు. ‘లైవ్ అండ్ లెట్ డై’ చిత్రంలో తొలిసారిగా గూఢచారి పాత్ర పోషించి అద్భుతమైన నటనతో అందరి ప్రశంసలు పొందారు. చివరిసారిగా ‘ఏ వ్యూ టూ కిల్’ చిత్రంలో బాండ్ పాత్ర పోషించారు. మొనాకోలో ఆయన అంత్యక్రియలు నిర్వహించనున్నట్లు కుటుంబసభ్యులు తెలిపారు. ఆయన మృతికి పలువురు హాలీవుడ్ నటులు ప్రగాఢ సంతాపం తెలియజేశారు.