ఇజ్రాయెల్ టూర్ లో అమెరికా అధ్యక్షుడు డొనాల్డ్ ట్రంప్ కి ఇదో చేదు అనుభవం ! భార్య మెలనియా ఆయనకు చిన్న షాక్ నే ఇచ్చింది. ఇజ్రాయెల్ ప్రధాని బెంజిమన్ నెతన్యాహు దంపతులు ఎయిర్ పోర్టులో వీరికి స్వాగతం పలుకుతుండగా ట్రంప్ అనుకోకుండా మెలనియాను పట్టించుకోక ముందుకు నడిచాడు.
బహుశా హైహీల్స్ ప్రాబ్లం వల్లో..ఏమో! మెలనియా ఒకటి, రెండడుగులు వెనుకబడింది. అయితే ఆమె కోసం ట్రంప్ కాస్త మెల్లగా నడిచి తన చేతిని చాచగా, ఆ చేతిని మెలనియా విసురుగా తోసేసింది. జస్ట్..కొన్ని క్షణాల్లో జరిగిన ఈ సంఘటన వీడియోకెక్కి వైరల్ అయింది. ఆ తర్వాత కూడా జెరూసలెం పర్యటనలో మెలనియా తన భర్త చేతిని తాకకుండానే అలక వహించింది.