జూన్‌ 15 నుంచి సెప్టెంబర్‌ 15 వరకు మధ్యాహ్నం 12.30 నుంచి 3 గంటల వరకు మిడ్‌ డే బ్యాన్‌ అమల్లో ఉంటుంది. మినిస్ట్రీ ఆఫ్‌ హ్యూమన్‌ రిసోర్సెస్‌ అడ్‌ ఎమిరిటైజేషన్‌ ఈ వివరాల్ని వెల్లడించింది. అయితే కొన్ని విభాగాలకు మిడ్‌ డే బ్యాన్‌ మినహాయింపునిచ్చింది. మినిస్ట్రీ అండర్‌ సెక్రెటరీ ఆఫ్‌ హ్యూమన్‌ రిసోర్సెస్‌ సైఫ్‌ అహ్మద్‌ అల్‌ సువైది మాట్లాడుతూ, ఎమర్జన్సీ సర్వీసులు సహా పలు ముఖ్యమైన విభాగాలు మిడ్‌ డే వర్క్‌ బ్యాన్‌ నుంచి మినహాయింపు పొంది ఉన్నాయన్నారు. వాటర్‌ సప్లయ్‌, ఎమర్జన్సీ వర్క్‌, సీవరేజ్‌, ఎలక్ట్రిసిటీ, కటింగ్‌ ఆఫ్‌ ట్రాఫిక్‌, బ్లాకింగ్‌ పబ్లిక్‌ రోడ్స్‌ అండ్‌ ఫిక్సింగ్‌ బ్రోకెన్‌ గ్యాస్‌ పైప్‌లైన్స్‌, పెట్రోలియం ఫ్లో హిండర్‌నెసస్‌ వంటి ప్రత్యేక విభాగాలను మినహాయించడం జరిగింది. ఈ విభాగాల్లో పనిచేస్తున్నవారి ఆరోగ్య పరిస్థితిపై ప్రత్యేక జాగ్రత్తలు తీసుకోవాల్సిందిగా ఆదేశాలు జారీ చేశారు. ఫస్ట్‌ ఎయిడ్‌, ఎయిర్‌ కండిషనర్స్‌, సన్‌ షేడ్స్‌తోపాటుగా కోల్డ్‌ వాటర్‌ అందించాల్సి ఉంటుంది. కార్మికుల పనివేళలపై షెడ్యూల్స్‌ ఖచ్చితంగా ప్రకటించాలి. నిబంధనల్ని ఉల్లంఘించినవారికి 5,000 దిర్హామ్‌లు (ఒక్కో వర్కర్‌కి) చొప్పున జరీమానా ఉంటుంది. అత్యధికంగా 50,000 దిర్హామ్‌ల వరకు జరీమానా తప్పదు. ఓపెన్‌ ఏరియాస్‌లో పనిచేసేవారికి ఎండ సెగ నుంచి ఉపశమనం కల్పించేందుకు మిడ్‌ డే బ్యాన్‌ని మూడు నెలలపాటు అమల్లో ఉంటుంది.