షార్జా పోలీసులు ఎమిరేట్‌ వ్యాప్తంగా 30 కొత్త స్మార్ట్‌ రాడార్లను అమర్చారు. రోడ్లపై అతి వేగంతో వెళ్ళే వాహనాల్ని కనుగొనేందుకు ఈ స్మార్ట్‌ రాడార్ల వ్యవస్థ ఉపయోగపడ్తుంది. ఈ విషయాన్ని షార్జా పోలీస్‌ కమాండర్‌ ఇన్‌ చీఫ్‌ బ్రిగేడియర్‌ సైఫ్‌ అల్‌ జెరి అల్‌ షమ్షి చెప్పారు. అల్‌ ధైద్‌, మ్లీహా, ఎమిరేట్స్‌ అండ్‌ షేక్‌ మొహమ్మద్‌ బిన్‌ జాయెద్‌ రోడ్స్‌ సహా పలు రోడ్లపై వీటిని ఏర్పాటు చేశారు. స్పీడ్‌ని కనుగొనడమే కాకుండా, పలు రకాలపైన ఉల్లంఘనల్ని సైతం ఈ రాడార్లు గుర్తిస్తాయని అల్‌ షమ్షి చెప్పారు. ఈ కొత్త విధానం ద్వారా ఉల్లంఘనలు చాలావరకు తగ్గుతాయని ఆశిస్తున్నట్లు వివరించారు. ఉల్లంఘనుల్ని గుర్తించి, భారీ జరీమానాలు విధించడం ద్వారా ఉల్లంఘనలకు అడ్డుకట్ట వేస్తున్నట్లు పోలీసులు వెల్లడించారు.