షార్జా పోలీసులు, ఇంటర్నల్‌ మరియు ఎక్సటర్నల్‌ రోడ్లపై 30 ఇంటెల్లిజెంట్‌ రాడార్స్‌ని ఏర్పాటు చేసినట్లు వెల్లడించారు. 2021 నేషనల్‌ ఎజెండాలో భాగంగా ట్రాఫిక్‌ విభాగాన్ని మరింత పటిష్టపరిచే క్రమంలో ఈ రాడార్స్‌ ఏర్పాటు జరిగింది. షార్జా పోలీస్‌ కమాండర్‌ ఇన్‌ చీఫ్‌ బ్రిగేడియర్‌ సైఫ్‌ మొహమ్మద్‌ అల్‌ జిరి అల్‌ షమ్షి మాట్లాడుతూ, ఎమిరేట్‌ వ్యాప్తంగా ఇంటెల్లిజెంట్‌ రాడార్స్‌ని 30 వారాల పాటు ఏర్పాటు చేశామని అన్నారు. అల్‌ ధైద్‌ రోడ్‌, మలిహా స్ట్రీట్‌, ఎమిరేట్స్‌ రోడ్‌, మొహమ్మద్‌ బిన్‌ జాయెద్‌ రోడ్‌ సహా పలు ప్రాంతాల్లో వీటిని ఏర్పాటు చేశారు. స్పీడ్‌ లిమిట్‌తోపాటుగా హెవీ లోడింగ్‌ వెహికిల్స్‌, మినిమమ్‌ స్పీడ్‌ లిమిట్‌ కంటే తక్కువ వేగంతో ప్రయాణించే వాహనాలు, టెయిల్‌ గేటింగ్‌ వంటి ఉల్లంఘనల్ని ఈ రాడార్లు గుర్తుపడతాయి.