రియాద్‌: సౌదీ అరేబియాలోని రియాద్‌లో కాల్పులు కలకం సృష్టించాయి. ఓ ప్రైవేటు పాఠశాల పరిపాలన భవనంలో జరిగిన ఈ కాల్పుల్లో ఇద్దరు ప్రాణాలు కోల్పోగా, మరొకరు గాయపడినట్టు కింగ్డమ్‌ పాఠశాల సీఈవో వెల్లడించారు. కాల్పులు జరిగిన సమయంలో పాఠశాలలో విద్యార్థులు లేరు. రంజాన్‌ మాసం సందర్భంగా వారం రోజులపాటు సెలవులు ప్రకటించడంతో పెను ప్రమాదం తప్పింది. పాఠశాల సీఈవో కథనం ప్రకారం.. అరబ్‌కు చెందిన ఓ ఉద్యోగి అసంతృప్తితో కాల్పులు జరిపాడని తెలిపారు. గత నాలుగేళ్ల క్రితం అతడి ప్రవర్తన సరిగా లేకపోవడంతో పాఠశాల నుంచి సస్పెండ్‌ చేసినట్టు వివరించారు. ఈ ఘటనలో మృతులు పాలస్తీనా, సౌదీకి చెందిన పౌరులుగా గుర్తించినట్టు చెప్పారు.