షార్జా: షార్జా పోలీసులు ఇద్దరు ఇథియోపియన్‌ జాతీయుల్ని అరెస్ట్‌ చేశారు. కొత్త పద్ధతుల్లో వీరు దొంగతనాలకు పాల్పడుతున్నారు. బ్యాంకు క్లయింట్స్‌ని గుర్తించి, వారిపై ఉమ్మివేసి వారి దృష్టిని మళ్ళించి దొంగతనాలు చేయడం వీరి ట్రిక్‌. వారే ఉమ్మివేసి, అవతలి వ్యక్తి షర్ట్‌ పాడయ్యిందంటూ సారీ చెప్పి, తుడిచేందుకు ప్రయత్నించడం, ఇంకో వ్యక్తి క్షణకాలంలో దొంగతనం చేసి అక్కడినుంచి పారిపోవడం ఈ గ్యాంగ్‌ దొంగతనాల నైజం. వరుసగా జరుగుతున్న ఇలాంటి ఘటనల నేపథ్యంలో పోలీసులు అప్రమత్తమయ్యారు. వ్యూహాత్మకంగా నిందితుల్ని పట్టుకోగలిగారు. నిందితులు నేరం అంగీకరించగా, వారిని పబ్లిక్‌ ప్రాసిక్యూషన్‌కి పోలీసులు రిఫర్‌ చేశారు.