కావలసిన పదార్థాలు : మామిడికాయలు -12, నూనె - ముప్పావు కేజి, కారం - అరకేజి, మెత్తని ఉప్పు - అరకేజి, ఆవపిండి - అరకేజి, ఎండుమిర్చి - 20, శనగపప్పు - పావుకేజి, ఆవాలు - 50 గ్రా., మెంతులు - 1 టీ స్పూను, కరివేపాకు (తడిలేనిది) - 1 కప్పు.

తయారుచేసే విధానం : మామిడికాయలు చెక్కుతీసి చిన్న ముక్కలు తరగాలి. ఊరగాయ కలుపుకోవడానికి 6 గంటల ముందు అరలీటరు నీళ్లని మరిగించి, చల్లారనిచ్చి అందులో ఆవపిండి వేసి ఉంచాలి. దాంట్లో ఉప్పు, కారం బాగా కలిపి, ముక్కలకు పట్టివ్వాలి (కాస్త నూనెకూడా కలుపుకోవచ్చు). అన్నీ బాగా కలిశాక ఒక జాడీకెత్తుకుని 2 రోజులపాటు ఊరనివ్వాలి. మూడోరోజు ఒక పళ్లెంలో చదునుగా ముక్కల్ని సర్ది ఒక రోజంతా ఎండలో ఉంచాలి. నాలుగవ రోజు మూకుడులో నూనె వేసి ఎండు మిర్చి (ముక్కలు), శనగపప్పులు, మెంతులు, ఆవాలు, కరివేపాకు వేసి వేగనివ్వాలి. తర్వాత పోపుని ముక్కలున్న జాడీలో పోసి వెంటనే మూతపెట్టాలి. పోపు చల్లారిన తర్వాత (మూత తీసి) ముక్కల్ని బాగా కలపాలి. ఈ ఆవకాయ పులిహోర మాదిరి సువాసన వేస్తూ చాలా రుచిగా ఉంటుంది.