రవ్‌దత్‌ అల్‌ ఖైల్‌ స్ట్రీట్‌ ఎక్స్‌టెన్షన్‌ ప్రాజెక్ట్‌ - ఈట్‌ స్ట్రీట్‌ 33 ఇంటర్‌ఛేంజ్‌లో భాగంగా కొత్త అండర్‌ పాస్‌ని అష్గల్‌ ప్రారంభించింది. దోహా మరియు ఇండస్ట్రియల్‌ ఏరియా మధ్య ట్రాఫిక్‌ స్మూత్‌గా సాగేందుకు ఈ అండర్‌ పాస్‌ ఉపయోగపడ్తుంది. ఈస్ట్‌ ఇండస్ట్రియల్‌ స్ట్రీట్‌పై ట్రాఫిక్‌ని సులభతరం చేయడంతోపాటుగా, సల్వా రోడ్‌ నుంచి ఇండస్ట్రియల్‌ ఏరియాకి నాన్‌ స్టాప్‌ యాక్సెస్‌ ప్రయాణానికి వీలవుతుంది. త్రీ లెవల్‌ ఈస్ట్‌ స్ట్రీట్‌ 33 ఇంటర్‌ఛేంజ్‌ ప్రాజెక్టులో ఈ అండర్‌ పాస్‌ అత్యంత కీలకమైనదని అష్గల్‌ వర్గాలు వెల్లడించాయి. ఈ ప్రాంతంలో ఈ ఇంటర్‌ఛేంజ్‌తో ట్రాఫిక్‌ సమస్యలు పూర్తిగా తొలగిపోతాయని అధికారులు తెలిపారు.