రష్యాలోని వాయవ్య మాస్కోకు 110 కిలోమీటర్ల దూరంలోని రెడ్‌కినో గ్రామంలో వీకెండ్ కాటేజీలో ఓ అనుమానిత వ్యక్తి జరిపిన కాల్పుల్లో 9 మంది మృతి చెందారు. వారిలో ఐదుగురు పురుషులు, నలుగురు మహిళలు ఉన్నారు. కాల్పులు జరిపిన వ్యక్తిని అదుపులోకి తీసుకున్నామని పోలీసులు ఆదివారం తెలిపారు. వీకెండ్ కాటేజీలో శనివారం రాత్రి ఆత్మీయుల సమ్మేళనం జరిగింది. మద్యం తాగే సమయంలో అతిథుల మధ్య వివాదం చెలరేగింది. ఓ అనుమానితుడు అక్కడి నుంచి బయటకువెళ్లి తుపాకీ తీసుకుని వచ్చి విచక్షణా రహితంగా కాల్పులు జరిపాడని పోలీసులు తెలిపారు. కాల్పులు జరిపిన వ్యక్తి మాస్కోకు చెందిన వాడని పేర్కొన్నారు.