షార్జా సోషల్‌ సర్వీసెస్‌ డిపార్ట్‌మెంట్‌ (ఎస్‌ఎస్‌ఎస్‌డి), వృద్ధుల కోసం 32 మొబైల్‌ సోషల్‌ సర్వీస్‌ యూనిట్స్‌ని, మూడు మొబైల్‌ మెగా క్లినిక్స్‌ని నిర్వహిస్తోంది. ఎస్‌ఎస్‌ఎస్‌డి డైరెక్టర్‌ జనరల్‌ అఫ్సార్‌ అల్‌ మర్రి మాట్లాడుతూ క్లినిక్స్‌ అలాగే సోషల్‌ సర్వీసెస్‌, వృద్ధుల కోసం ప్రత్యేకమైన సేవలు అందిస్తోందని చెప్పారు. మొబైల్‌ క్లినిక్స్‌లో అడ్వాన్స్‌డ్‌ రోడియో థెరపీ డివైస్‌లు, అల్ట్రా సండ్‌ మరియు లేబరేటరీ డివైజెస్‌ని కలిగి ఉన్నట్లు వివరించారాయన. డయాబెటిస్‌, బ్లడ్‌ప్రెజర్‌, లంగ్‌ డిసీజెస్‌, క్యాన్సర్‌ వంటి వ్యాధులకు సంబంధించిన పరీక్షలు సైతం ఈ క్లినిక్స్‌ ద్వారా నిర్వహించే వీలుంది. వరల్డ్‌ హెల్త్‌ ఆర్గనైజేషన్‌కి చెందిన గ్లోబ్‌ నెట్‌ వర్క్‌ ఆఫ్‌ ఏజ్‌ ఫ్రెండ్లీ సిటీస్‌లో షార్జా చోటు దక్కించుకునే దిశగా ఈ చర్యలు చేపట్టింది. ఈ తరహా కార్యకలాపాలు నిర్వహిస్తున్న తొలి అరబ్‌ సిటీగా షార్జా ఇప్పటికే రికార్డులకెక్కింది.