అమెరికా, ఇతర ప్రాంతాల్లో ఉంటున్న ప్రవాసాంధ్రుల సమస్యలను పరిష్కరిస్తానని తానా అధ్యక్షుడు సతీష్‌ వేమన తెలిపారు. తానా సభల్లో అధ్యక్షుడిగా బాధ్యతలు స్వీకరించిన ఆయన్ను ఆదివారం వాషిగ్టన్‌ డీసీలో ప్రవాసాంధ్రులు సత్కరించారు. ఈ సందర్భంగా తానా సీనియర్‌ నాయకుడు డాక్టర్‌ యడ్ల హేమప్రసాద్‌ అధ్యక్షతన జరిగిన కార్యక్రమంలో సతీష్‌ మాట్లాడుతూ ట్రంప్‌ అధ్యక్షుడైన తరువాత అమెరికాలో ప్రవాసాంధ్రులు అనేక ఇబ్బందులు పడుతున్నట్లు చెప్పారు. కేంద్ర, రాష్ట్ర ప్రభుత్వాల ద్వారా అమెరికా రాయబారులతో చర్చించి సమస్యలు పరిష్కరిస్తామన్నారు.