ఎమిరేట్స్‌, ఎతిహాద్‌, ఫ్లై దుబాయ్‌, ఎయిర్‌ అరేబియా సంస్థలు ఖతార్‌కి వెళ్ళే తమ విమాన సర్వీసుల్ని రద్దు చేశాయి. ఖతార్‌ రాజధాని దోహా నుంచి వచ్చే విమాన సర్వీసులు కూడా రద్దయ్యాయి. యూఏఈ, సౌదీ అరేబియా, ఈజిప్ట్‌, బహ్రెయిన్‌ - ఖతార్‌తో ట్రాన్స్‌పోర్టేషన్‌ లింక్స్‌ని తెగతెంపులు చేసుకున్న దరిమిలా విమాన సంస్థలు ఈ నిర్ణయం తీసుకోవడం జరిగింది. ఎతిహాద్‌ అధికారిక ప్రతినిథి చెప్పిన వివరాల ప్రకారం అబుదాబీ - దోహా విమానం చివరిసారిగా జూన్‌ 6 ఉదయం 2.45 నిమిషాలకు డిపార్ట్‌ అయ్యిందనీ, దోహా - అబుదాబీ చివరి విమానం ఉదయం 4 గంటలకు అదే రోజు డిపార్ట్‌ అయ్యింది. ఎమిరేట్‌ అధికార ప్రతినిథి మాట్లాడుతూ యూఏఈ గవర్నమెంట్‌ ఆదేశాల ప్రకారం ఎమిరేట్స్‌ తమ విమానాల్ని రద్దు చేసినట్లు పేర్కొన్నారు. ప్రయాణీకుల అసౌకర్యానికి చింతిస్తున్నట్లు ఆయా విమానయాన సంస్థలు పేర్కొన్నాయి. ఈ రద్దుతో ఆర్థికంగా కొన్ని సమస్యలు తప్పవని వివిధ విమానయాన సంస్థలు వెల్లడిస్తున్నాయి. ఇంకో వైపున రానున్న రోజుల కోసం ఇప్పటికే టిక్కెట్లు బుక్‌ చేసుకున్న ప్రయాణీకులు, విమానయాన సంస్థల నిర్ణయంపై ఆందోళన వ్యక్తం చేస్తున్నారు.