షార్జా: షార్జాలో కొందరు దుండగులు కారులో లిఫ్ట్‌ ఇస్తామని చెప్పి, అమాయకులనుంచి డబ్బు దోచుకుంటున్న కేసులు పెరుగుతున్నాయి. తాజాగా జరిగిన ఘటనలో నిందితులు ఓ వ్యక్తి నుంచి 26,000 దిర్హామ్‌లు దోచుకోగా, మరొకరి నుంచి 9,400 దిర్హామ్‌లు దోచుకున్నారు. కారులో లిఫ్ట్‌ ఇచ్చి, నిర్మానుష్యంగా ఉన్న ప్రాంతాల్లో కారుని ఆపి, కారులోనివారిని బెదిరించి, వారిని దోచుకుంటున్నారు నిందితులు. ఇలాంటి ఘటనల పట్ల ప్రత్యేక దృష్టి పెట్టారు పోలీసులు. అపరిచితులు కారులో లిఫ్ట్‌ ఇస్తామని చెబితే ఎవరూ ఆకర్షితులు కావొద్దని పోలీసులు సూచిస్తున్నారు.