రియాద్‌: సూర్య తాపం నుంచి కార్మికులకు ఉపశమనం కల్పించేందుకుగాను మధ్యాహ్నం 12 గంటల నుంచి 3 గంటల మధ్య పని గంటలపై బ్యాన్‌ విధిస్తూ మినిస్ట్రీ నిర్ణయం తీసుకుంది. జూన్‌ 15 నుంచి ఈ నిర్ణయం అమల్లోకి రానుంది. మూడు నెలలపాటు ఈ బ్యాన్‌ అమల్లో ఉంటుంది. కార్మికుల భద్రతే లక్ష్యంగా మినిస్ట్రీ పలు కార్యక్రమాలు చేపడ్తోందనీ, అందులో ఈ నిర్ణయం కూడా ఒకటని అధికారిక వర్గాలు వెల్లడించాయి. వర్క్‌ రిలేటెడ్‌ ప్రమాదాల్ని తగ్గించే దిశగా మినిస్ట్రీ సరికొత్త ఆలోచనలు చేస్తున్నట్లు మినిస్ట్రీ అధికారిక ప్రతినిథి ఖాలిద్‌ అబా అల్‌ ఖైల్‌ చెప్పారు. ఉష్ణోగ్రతల్లో తేడాల్ని బట్టి, పని గంటలపై బ్యాన్‌కి సంబంధించి కొన్ని వెసులుబాట్లు ఉంటాయని ఆయన వివరించారు.