తీవ్రవాదం విషయంలో ఖతార్‌పై అమెరికా అధ్యక్షుడు డోనాల్డ్‌ ట్రంప్‌ చేసిన వ్యాఖ్యల్ని సౌదీ అరేబియా, యూఏఈ స్వాగతించాయి. తీవ్రవాదానికి అందే ఆర్థిక మూలాలను ధ్వంసం చేయాల్సిందేనని ఖతార్‌కి సౌదీ, యూఏఈ ఇప్పటికే తేల్చి చెప్పాయి. ఈ కారణంగానే ఖతార్‌తో సౌదీ, యూఏఈ సహా పలు దేశాలు సంబంధాలు తెంచుకున్నాయి. ఖతార్‌ని, తీవ్రవాదానికి మద్దతిస్తున్న దేశంగా ట్రంప్‌ ప్రకటించారు. తక్షణం ఆ చర్యలు ఆపివేయాలని ఆదేశించారు. ఖతార్‌కి వ్యతిరేకంగా తమ వద్ద ప్లాన్‌ ఉందని ట్రంప్‌ ఇటీవల ప్రకటించిన సంగతి తెలిసినదే.