బాలీవుడ్ బాద్షా షారూఖ్ ఖాన్ కు వరస ప్రమాదాలతో షాక్ లో ఉన్నట్లు బీ టౌన్ టాక్ గా వినిపిస్తోంది.. ఇప్పటికే షారూఖ్ ఖాన్ కు ప్రమాదం జరగగా.. ఈ సారి షారూఖ్ తనయుడు ఆర్యన్ కు ప్రమాదం చోటు చేసుకొన్నది అట. దీంతో షారూఖ్ పూర్తిగా షాక్ లో ఉన్నట్లు టాక్ వినిపిస్తోంది. ఫిల్మ్ ఫేర్ అవార్డ్స్ లో పాల్గొనాల్సిన షారూఖ్ తన తయుడు ఆర్యన్ ఖాన్ కు అయిన తీవ్ర గాయాల కరణంగా ఆ ఫంక్షన్ ను రద్దు చేసినట్లు తెలుస్తోంది. ఆర్యన్ స్కూల్ లో ఫుట్ బాల్ మ్యాచ్ ఆడుతున్న సమయంలో గాయపడ్డాడట.. ఆర్యన్ ఫుట్ బాల్ ఆడుతున్న సమయంలో ఫుట్ బాల్ నుంచి తప్పించుకొనే క్రమంలో ఆర్యన్ ముక్కుకు బలంగా గాయం అయ్యి.. తీవ్ర రక్త స్రావం అయ్యినట్లు తెలుస్తోంది. డాక్టర్లు ఆపరేషన్ తప్పని సరి అని చెప్పడంతో.. మెరుగైన వైద్యం కోసం ఆర్యన్ ను విదేశాలకు తీసుకొని వెళ్ళి చికిత్స చేయించాలని నిర్ణయించుకొన్నాడట.. కాగా ఇటీవలే షారూఖ్ ఓ ప్రమాదం నుంచి తప్పించుకొన్న సంగతి విధితమే.