మనామా: బెగ్గింగ్‌ని బహ్రెయిన్‌ సొసైటీ నుంచి దూరం చేసే క్రమంలో ముహరాక్‌ గవర్నరేట్‌ పోలీస్‌ డైరెక్టరేట్‌ ప్రత్యేక చర్యలు చేపట్టింది. గడచిన కొద్ది వారాల్లో 50 మంది బెగ్గర్స్‌ని తమ టీమ్‌లు గుర్తించినట్లు అధికారులు తెలిపారు. మే 1 నుంచి జూన్‌ 10 వరకు ఈ యాభై మందిని గుర్తించి, కేసులు నమోదు చేయడం జరిగింది. ఇప్పటికే బెగ్గింగ్‌ని అరికట్టేందుకోసం సమాజంలో అవగాహనా కార్యక్రమాలు చేపడుతున్నారు. ప్రభుత్వ, ప్రభుత్వేతర సంస్థలు, కమ్యూనిటీ పార్టనర్స్‌, పౌరులు కూడా ఈ విషయంలో అప్రమత్తంగా ఉండాలని అధికారులు విజ్ఞప్తి చేశారు. బెగ్గింగ్‌కి సంబంధించి ఎలాంటి సమాచారం ఉన్నా, హాట్‌లైన్స్‌ని సంప్రదించవచ్చు. బెగ్గర్స్‌ అలాగే అక్రమ స్ట్రీట్‌ వెండర్స్‌ని తగ్గించేందుకోసం చేపట్టిన చర్యల్లో ఇది రెండవ భాగమని అధికారులు పేర్కొన్నారు. పవిత్ర రమదాన్‌ మాసం సందర్భంగా వేడుకల స్ఫూర్తిని దెబ్బతీసేందుకు మసీదుల వద్ద బిక్షాటన ఇబ్బందికరంగా మారుతోందని అధికారులు తెలిపారు.