ప్రముఖ నటుడు రాజశేఖర్ పెద్ద కుమార్తె శివాని కోలీవుడ్లో తెరంగేట్రం చేయబోతున్నారు. రాజశేఖర్, జీవిత దంపతులు తెలుగుతో పాటు పలు తమిళ చిత్రాల్లోనూ నటించి గుర్తింపు తెచ్చుకున్నారు. ఇప్పుడు వారి వారసురాలిగా శివాని తమిళ చిత్రపరిశ్రమకు పరిచయం కాబోతున్నారు.
త్వరలోనే సినిమా వివరాలు ప్రకటించనున్నట్లు శివాని మీడియా ద్వారా తెలిపారు. సినిమాల కోసమే తాను భరతనాట్యం, కూచిపూడితో పాటు గిటార్, వీణ వాయించడం నేర్చుకున్నానని పేర్కొన్నారు. శివాని సోదరి శివాత్మికకు కూడా సింగింగ్, కిక్ బాక్సింగ్లో ప్రావీణ్యం ఉంది. త్వరలోనే శివాత్మిక కూడా తన అక్కలాగే సినిమాల్లో రంగప్రవేశం చేసేందుకు సన్నాహాలు చేస్తున్నట్లు సమాచారం.