యూఏఈ: ఫెడరల్‌ అథారిటీ ఫర్‌ గవర్నమెంట్‌ హ్యూమన్‌ రిసోర్సెస్‌, ఈద్‌ అల్‌ పితర్‌ సెలవుని ప్రకటించింది. జూన్‌ 24 నుంచి సెలవులు ప్రారంభమవుతాయి. 29వ తేదీన తిరిగి ప్రభుత్వ కార్యకలాపాలు ప్రారంభమవుతాయి. ఈద్‌ గనుక ఆదివారం వస్తే జూన్‌ 28న కార్యకలాపాలు ప్రారంభిస్తారు. సోమవారం ఈద్‌ వస్తే జులై 2 నుంచి కార్యకలాపాల్ని ప్రారంభిస్తారు. ఫెడరల్‌ అథారిటీ ఫర్‌ గవర్నమెంట్‌ హ్యూమన్‌ రిసోర్సెస్‌, ప్రెసిడెంట్‌ షేక్‌ ఖలీఫా బిన్‌ జాయెద్‌ అల్‌ నహ్యాన్‌ సహా పలువురు ప్రముఖులకు గ్రీటింగ్స్‌ తెలిపింది. యూఏఈ ప్రజలకు అలాగే అరబ్‌ మరియు ముస్లిం నేషన్స్‌కి సైతం గ్రీటింగ్స్‌ తెలియజేసింది.