మనామాలో ఒక నిషేధమైన షెడ్ లో ఒక అగ్నిప్రమాదం జరిగింది.స్థానికులు తెలిపిన వివరాల ప్రకారం ఈ ప్రదేశంలో అగ్నిప్రమాదం జరగడం రెండవ సారి అని తెలిపారు.అగ్ని ప్రమాదం జరిగిన స్థలం  ఉన్న రెండు నివాస భవనాల మధ్య ఉంది. దీనితో అక్కడ నివాసితులు తమ వద్ద ఉన్న చెత్తాచెదారాలను ఖాళీగా ఉన్న ఆ ప్రదేశం వైపు విసిరి పారవేస్తుంటారు. ఈ క్రమంలో ఎవరో ఒక వ్యక్తి నిప్పు ఆర్పని  సిగరెట్ ను ఆ చెత్తపైకి విసరడంతో అది రగిలి చెత్తను మండించి ఉండొచ్చని అక్కడ నివాసితులు ఊహిస్తున్నారు. అయితే  ఆ ప్రాంతంలో ఏ కారణం చేతనో ఒక్కసారిగా వేగంగా మంటలు వ్యాపించేలా చేసింది. గురువారం ఉదయం 11 గంటల సమయంలో  సివిల్ డిఫెన్స్ ఆ ప్రాంతానికి చేరుకొని మంటలను ఆర్పీ పరిస్థితిని అదుపులోనికి తెచ్చింది. ఈ అగ్ని ప్రమాదంలో ఏ ఒక్కరికి ఎటువంటి గాయాలు కాలేదని అగ్నిమాపక సిబ్బంది పేర్కొంది. ఈ అగ్ని ప్రమాదానికి అసలు కారణం తెలుసుకొనేందుకు అధికారులు పరిశోధనలు జరుగుతున్నాయి.