హైదరాబాద్ మెట్రో కు అరుదైన రికార్డ్ సాధించింది. ప్రతిష్టాత్మక  లిమ్కా బుక్ ఆఫ్ రికార్డ్స్‌లో  మెట్రో రైలు ప్రాజెక్టు చోటు దక్కించుకుంది. ఏకంగా మూడు విభాగాల్లో ఈ ఘనత సాధించింది.  ఒక మెట్రో ప్రాజెక్ట్  మూడు లిమ్కా రికార్డులను నమోదు చేయడం  ఇదే తొలిసారని అధికారులు చెప్పారు.  ఈ రికార్డులను మెట్రో 2017 తాజా ఎడిషన్‌లో  ప్రచురించారు.  
నిర్మాణ దశలోనే అన్ని మెట్రో స్టేషన్లలో ప్రసార హక్కులను శ్రేయా బ్రాడ్ కాస్టింగ్ ప్రైవేట్ లిమిటెడ్ కు అందించింది. దీంతో టీవీ5 ఛానెల్ 66  మెట్రో స్టేషన్లలో ప్రయాణికులకు తాజా వార్తల్ని అందించనుంది. ఇందుకోసం 2015 , జనవరి 29న సంతకాలు జరిగాయి. 
మెట్రో రైలు ప్రారంభానికి ముందే మెట్రో రైలు చుట్టూ ట్రైన్ వ్రాప్ అడ్వరైజింగ్ హక్కులను వివిధ సంస్థల నుంచి పొందింది. ఇందుకోసం 2014 జూలై 22న వీ రిటైల్ ప్రైవేట్ లిమిటెడ్ సంస్థతో ఒప్పందం కుదుర్చుకుంది. ఇక అన్ని స్టేషన్లలో రిటైల్ ఔట్ లెట్ల ఏర్పాటుకు 2015 , సెప్టెంబర్ 11న కోకాకోలా బేవరేజెస్ సంస్థతో అగ్రిమెంట్ కుదుర్చుకుంది హైదరాబాద్ మెట్రో.