రచ్చతో రామ్‌చరణ్‌కి ఓ మాసీ హిట్ ఇచ్చాడు సంపత్ నంది. ఆ తరవాత పవన్ కల్యాణ్ సినిమా అందినట్టే అంది చేజారిపోయింది. మూడో సినిమా. బెంగాల్ టైగర్ వచ్చింది. ఇప్పుడు గౌతమ్ నంద చేస్తునాడు. దిని తర్వాత మళ్లీ చరణ్‌తో సినిమా చేయడానికి సంతప్ స్కెచ్ వేశాడు. చోటా మేస్త్రీ అనే స్ర్కిప్టు చరణ్ కోసమే రెడీ చేశాడని వార్తలు వచ్చాయి.
ఐతే చోటా మేస్త్రీ అనే కధ ఇంకా రెడీ కాలేదని టాక్. "చోటా మేస్త్రీ అనే కథేం లేదు. జస్ట్ ఐడియా మాత్రమే ఉంది. కూర్చుని స్క్రిప్టు రాసుకోవాల్సిందే"అని తాజా ఇంటర్ వ్యూ లో వెల్లడించాడు సంపత్.
సంపత్ నంది దగ్గర రెడీమెడ్‌గా కథలేం లేవు. అప్పటి కప్పుడు అల్లుకోవడమే తనకి ఇష్టమని, కథలు రాసుకొని బీరువాలో పెట్టుకోవడం తనకు ఇష్టం ఉండదని, అప్పటికప్పుడు అనుకొని.. ఐడియాని సినిమాగా మార్చుకొంటే ప్రజెట్ ట్రెండ్ కి తగ్గట్టుగా సినిమా తీయొచ్చని అంటున్నాడు సంపత్‌.