బాలీవుడ్ నటుడు అమృత్ పాల్(76) కన్నుమూశారు. 80, 90ల్లో విలన్ పాత్రల్లో నటించి మంచి పేరు తెచ్చుకున్న అమృత్ కొంతకాలంగా కాలేయ వ్యాధితో బాధపడుతున్నారు. సోమవారం రాత్రి ముంబయిలోని తన నివాసంలో తుదిశ్వాస విడిచినట్లు అమృత్ కుమార్తె గీతాకౌర్ మీడియా ద్వారా వెల్లడించారు. హిందీలో 'కసమ్', 'ప్యార్ కే దో పల్' చిత్రాల్లో నటించిన అమృత్ దాదాపు వందకుపైగా హిందీ చిత్రాల్లో నటించారు. అనారోగ్యం కారణంగానే ఆయన సినిమాలకు దూరమయ్యారని గీతా తెలిపారు. మంగళవారం ఉదయం ఆయన అంత్యక్రియలు నిర్వహించామని పలువురు బాలీవుడ్ నటులు హాజరయ్యారని పేర్కొన్నారు.