అలనాటి అందాల నటి శ్రీదేవి నటించిన మామ్‌ చిత్రం జులై 7న విడుదల కాబోతోంది. రవి ఉదయవార్ దర్శకత్వం వహించిన ఈ చిత్రాన్ని శ్రీదేవి భర్త బోనీకపూర్ నిర్మించారు. ఈ చిత్ర ప్రమోషన్‌లో భాగంగా చెన్నై వచ్చిన శ్రీదేవి పాత్రికేయులతో మాట్లాడుతూ తల్లి, కుమార్తెలకు మధ్య ఉండే భావోద్వేగమైన చిత్రమే మామ్ అని అన్నారు. నేటికీ మహిళలు, ఆడ పిల్లలకు భద్రతలేదని, వాళ్లు బయటకువెళ్లి మళ్లీ ఇంటికి వచ్చే వరకు తల్లితండ్రులు ఆందోళన చెందుతున్నారని ఆవేదన వ్యక్తం చేశారు. ఈ చిత్రాన్ని అమ్మలందరికీ అంకితం చేస్తున్నట్లు చెప్పారు.  ఈ చిత్ర స్థాయిని మరింత పెంచెలా చేసింది రెహ్మాన్ సంగీతం అని అన్నారు.  తాను జీవితంలో ఉన్నత స్థాయికి ఎదగడానికి తన తల్లి కారణమని వివరించారు.