మనామా: ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా సూచనల మేరకు కింగ్‌డమ్‌లోని పలు రోడ్లపై స్పీడ్‌ లిమిట్‌ని సవరించారు. షేక్‌ ఖలీఫా బిన్‌ సల్మాన్‌ హైవే పై ఇప్పటిదాకా ఉన్న స్పీడ్‌ లిమిట్‌ గంటకు 100 కిలోమీటర్లు కాగా, ఇకపై దాన్ని 120కి పెంచారు. యూనివర్సిటీ ఆఫ్‌ బహ్రెయిన్‌ వద్ద ఫ్లై ఓవర్‌ నుంచి షేక్‌ ఇసా బిన్‌ సల్మాన్‌ హైవేపైన మిడిల్‌ ఫ్లై ఓవర్‌ వరకు ఈ స్పీడ్‌ లిమిట్‌ పెంపు జరిగింది. బహ్రెయిన్‌ ఫైనాన్షియల్‌ హార్బర్‌ వద్ద కింగ్‌ ఫైసల్‌ హైవే పైన 80 కిలోమీటర్ల నుంచి 100 కిలోమీటర్ల వరకు (గంటకు) స్పీడ్‌ లిమిట్‌ని పెంచడం జరిగింది. ఆయా రోడ్లపై భద్రతా ప్రమాణాలు వంటివాటిని పరిగణనలోకి తీసుకుని రోడ్లపై వేగాన్ని పెంచారు. ఇంకో వైపున పలు రోడ్లపై ఏర్పాటు చేసిన ట్రాఫిక్‌ రాడార్లు, నిబంధనలు ఉల్లంఘించినవారిని గుర్తిస్తున్నాయి. వారిపై చర్యలు తప్పవని అధికారులు చెప్పారు.