మెగాస్టార్ చిరంజీవి నటించబోతున్న చారిత్రాత్మక చిత్రం 'ఉయ్యాలవాడ నరసింహారెడ్డి' పనులు చకచకా సాగిపోతున్నాయి. సురేందర్‌రెడ్డి ఈ చిత్రాన్ని తనదైన శైలిలో డైరెక్ట్ చేస్తున్నాడు. ఈ చిత్రంలో ఉయ్యాలవాడ సరసన ఏకంగా ముగ్గురు హీరోయిన్లు కన్పిస్తారు. కథ ప్రకారం మూడు పాత్రలు ఇక్కడ అవసరం. ఆ రకంగా చిరు లెవల్‌కు తగ్గ అందగత్తెల వేట మొదలైంది. ఈ మూడు పాత్రల్లో ఓ పాత్రలో అనుష్క నటించవచ్చు. మరో పాత్రలో నయానతార దాదాపు ఖరారైంది. మిగిలిన పాత్ర కోసం ఐశ్వర్యరాయ్‌తో మంతనాలు జరుగుతున్నాయి. వీరితో అన్నీ మాట్లాడుకోవడం అయినట్టే. సినిమా లాంచింగ్ టైమ్‌లో వీరి పేరు ఖరారు చేయనున్నారు. ఈ సినిమా తెలుగు, తమిళ, మలయాళ, హిందీ బాషల్లో విడుదల చేస్తున్నారు.,