యంగ్‌ టైగర్‌ ఎన్టీయార్‌ కెమెరా ఆన్‌ చేస్తే చాలు రెచ్చిపోతాడు. యాక్షన్‌ అని చెబితే చాలు కెమెరా ముందు అద్భుత నటన ప్రదర్శిస్తాడు. అలాంటి ఎన్టీయార్‌ ఒక్కసారిగా తన ముందునున్న కెమెరాలను చూసి ఖంగుతిన్నాడు. అలారం కొట్టగానే నిద్రలేచి కాఫీ గ్లాస్‌ అందుకున్న ఎన్టీయార్‌.. తన బెడ్‌కు ఎదురుగా ఉన్న కెమెరాలను చూసి షాకయ్యాడు.
'ఒరేయ్‌.. కెమెరాలు పెట్టమన్నది 'బిగ్‌బాస్‌' హౌస్‌లో. నా హౌస్‌లో కాదు' అంటూ ఊగిపోయాడు. ఇదంతా రియల్‌గా కాదులెండి. ఎన్టీయార్‌ తొలిసారి బుల్లితెర మీద మెరవబోతున్న సంగతి తెలిసిందే. దేశవ్యాప్తంగా పాపులర్‌ అయిన 'బిగ్‌బాస్‌' షోను తెలుగులో ఎన్టీయార్‌ హోస్ట్‌ చేయబోతున్నాడు. ఈ షో కోసం చేసిన ప్రోమోను తాజాగా విడుదల చేశారు. ఆ ప్రోమో ఇప్పుడు ఇంటర్నెట్‌లో వైరల్‌గా మారింది.