అమెరికా అధ్యక్షుడు డొనాల్డ్‌ ట్రంప్‌తో దేశం సంతోషంగా లేదని అంటున్నాడు హాలీవుడ్‌ నటుడు అన్సెల్‌ ఎల్టోర్ట్‌. ట్రంప్‌ పాలన గురించి ఎల్గోర్ట్‌ తన అభిప్రాయాలను మీడియా ద్వారా వెల్లడించారు.
'ఆయన పాలనతో నాకు సంతోషం లేదు. కానీ ఇదో మేల్కొలుపులా భావిస్తాను. ఈ అనుభవంతోనైనా మున్ముందు ఇలాంటి నేతలు అధ్యక్షులు కాకుండా జాగ్రత్తపడతాం. అయితే చాలా మంది ప్రజలు ఈ అనుభవం నుంచి ఏమీ నేర్చుకోలేకపోతున్నారు. ప్రజలు చేసిన తప్పులే మళ్లీ చేస్తున్నారని తెలిసి నన్ను నేను కోల్పోయినట్లుగా భావిస్తున్నాను.'
'మరో పదేళ్లలో మాకు ఒబామా లాంటి అధ్యక్షుడు వస్తాడు. కానీ ఆ తర్వాతమళ్లీ మా దేశం ఓ ఇడియట్‌ చేతిలోకే వెళ్లిపోతుంది. ట్రంప్‌ చేతకానివాడు. మాకు అవసరమైన విషయాలన్నీ అతను మా నుంచి దూరం చేయాలనుకుంటున్నాడు. సామాజిక సేవల్ని దూరం చేస్తున్నాడు. ప్రజలకు మా నుంచి కావాల్సింది అదే కదా.

ఆ సేవతోనే దేశానికి పేరొస్తుంది' అని చెప్పుకొచ్చాడు ఎల్గోర్ట్‌.