కతర్: నేషనల్‌ హ్యూమన్‌ రైట్స్‌ కమిటీ (ఎన్‌హెచ్‌ఆర్‌సి), కతారీ స్టూడెంట్స్‌ పట్ల సౌదీ అరేబియా, యూఏఈ మరియు బహ్రెయిన్‌లోని విద్యా సంస్థలు నిబంధనల్ని ఉల్లంఘించి చట్ట వ్యతిరేకంగా వ్యవహరిస్తున్నట్లు పేర్కొంది. సివిల్‌, ఎకనమిక్‌, సోషల్‌ మరియు కల్చరల్‌ రైట్స్‌ విషయంలో ప్రత్యేకించి యూఏఈ మానవ హక్కులను ఉ్లలంఘిస్తున్నట్లు కమిటీ పేర్కొంది. విద్యా సంవత్సరం చివరలో పరీక్షలు ముగించే అవకాశం ఖతారీ విద్యార్థులకు ఇవ్వకపోవడం, ఇతరత్రా రాజకీయ కారణాలతో విద్యార్థులను ఇబ్బందులకు గురిచేయడం వంటి ఉల్లంఘనల్ని తాము గుర్తించినట్లు ఎన్‌హెచ్‌ఆర్‌సి స్పష్టం చేసింది. ఈ సమస్యని అంతర్జాతీయ సమాజం దృష్టికి తీసుకెళ్తామని ఎన్‌హెచ్‌ఆర్‌సి హెచ్చరించింది.