హైదరాబాద్: విజయ్, కీర్తి సురేశ్, జగపతిబాబు ప్రధాన తారాగణంగా నటించిన చిత్రం 'ఏజంట్ భైరవ'. భరతన్ దర్శకుడు. బెల్లం రామకృష్ణారెడ్డి నిర్మాత. ఈ చిత్రం అన్ని కార్యక్రమాలు పూర్తి చేసుకుని జులై 7న విడుదలకు సిద్ధమైనట్లు నిర్మాత తెలిపారు.
'తమిళ స్టార్ హీరో విజయ్ నటించిన 'ఏజంట్ భైరవ' ట్రైలర్ని ఇటీవల ఆయన పుట్టినరోజు కానుకగా విడుదల చేశాం. ప్రేక్షకుల నుంచి ఈ ట్రైలర్కి మంచి స్పందన వస్తోంది. కుటుంబం కథా చిత్రంగా రూపొందించిన ఈ చిత్రంలో విజయ్, కీర్తి సురేశ్ నటన అందర్నీ ఆకట్టుకుంటుంది. జులై 7న సినిమాను విడుదల చేస్తున్నాం' అని నిర్మాత అన్నారు.