బౌలర్ శ్రీశాంత్ హీరోగా టీమ్ 5 మూవీలో నటించనున్నాడు. ఈ మూవీని తమిళ, తెలుగు, మలయాళ, కన్నడ, హిందీ భాషలలో రూపొందిస్తున్నారు.. శ్రీశాంత్ సరసన నిక్కి గిలాని నటిస్తున్నది.. సురేష్ గోవింద్ దర్శకుడు. గోపీ సుందర్ సంగీతం, రాజ్ జకారియా నిర్మాత.. ఇప్పటికే షూటింగ్ పూర్తి చేసుకున్న ఈ మూవీ పోస్ట్ ప్రొడక్షన్స్ కార్యక్రమాల్లో ఉంది.. ఈ సినిమా వచ్చేనెల 14వ తేదీన విడుదల కానుంది.

ఈ సందర్భంగా చిత్ర నిర్మాత రాజ్ జకారియా మాట్లాడుతూ, బైక్ రేసర్లు అయిన అయిదుగురు స్నేహితుల మధ్య చోటుచేసుకునే అనూహ్యమైన సంఘటనలతో ఈ సినిమా తెరకెక్కిందని అన్నారు. ప్రతి పాత్రను దర్శకుడు సురేష్ గోవింద్ అద్భుతంగా మలిచాడని చెప్పారు. గోపిసుందర్ అందించిన సంగీతం ఈ సినిమాకి ప్రధాన బలంగా నిలుస్తుందనే అభిప్రాయాన్ని వ్యక్తం చేశారు. లవ్ .. ఫ్రెండ్షిప్ .. యాక్షన్ .. ఎమోషన్ కలయికగా రూపొందిన ఈ సినిమా, అన్నివర్గాల ప్రేక్షకులను ఆకట్టుకుంటుందనే నమ్మకం ఉందంటూ ఆశాభావాన్ని వ్యక్తం చేశాడు.