రియాద్‌: 24,000కి పైగా సిగరెట్‌ ప్యాక్స్‌ని ఓ ప్రైవేట్‌ ఎస్టాబ్లిష్‌మెంట్‌ నుంచి స్వాధీనం చేసుకున్నారు అధికారులు. ఈస్టర్న్‌ ప్రావిన్స్‌లో ఈ సీజ్‌ జరిగింది. మినిస్ట్రీ ఆఫ్‌ కామర్స్‌ అండ్‌ ఇండస్ట్రీ, సర్వీస్‌ ట్యాక్స్‌ వర్కింగ్‌ గ్రూప్‌ ఆఫ్‌ ది జనరల్‌ అథారిటీ ఫర్‌ జకత్‌ మరియు ట్యాక్స్‌తో కలిసి ఈ దాడులు నిర్వహించింది. మొత్తం 24,810 సిగరెట్‌ ప్యాక్స్‌ని ఈ సందర్భంగా అధికారులు సీజ్‌ చేశారు. డమ్మమ్‌లోని ఓ సంస్థకు చెందినవిగా వీటిని గుర్తించారు. అధికారులకు తగిన సమాచారం ఇవ్వకుండా ఇంత పెద్ద మొత్తంలో సిగరెట్‌ ప్యాక్స్‌ని ఆ సంస్థ స్టోర్‌ చేసిందని తెలిపారు అధికారులు. ప్రతిపాదిత ట్యాక్స్‌ చెల్లించినవారికి మాత్రమే, అనుమతి మేరకు స్టాక్‌ని ఏర్పాటు చేసుకునే వీలుంది. దానికి భిన్నంగా సదరు యజమాని చట్టాన్ని ఉల్లంఘించి ఎక్కువ మొత్తంలో సిగరెట్‌ ప్యాక్స్‌ని స్టోర్‌ చేయడంతో చట్ట పరమైన చర్యలు తీసుకుంటామని అధికారులు తెలిపారు.