హీరోగా ఫెడ్ అవుట్ అయి మార్కెట్ కోల్పోయిన వారు విలన్ గా కెరీర్ ను టర్న్ తీసుకొని మళ్ళీ ఫామ్ లోకి వస్తున్నారు.. ఇప్పటికే జగపతి బాబు హీరో నుంచి విలన్ గా మారి.. ప్రస్తుతం ఓ రేంజ్ లో ఫామ్ లో కొనసాగుతున్నాడు.. ఇప్పుడు తాజాగా మరో హీరో శ్రీకాంత్ కూడా జగపతి బాబు బాటలోనే నడవనున్నట్లు తెలుస్తోంది.. అంతేకాదు.. విలన్ గా జగపతి బాబు కెరీర్ కు బూస్ట్ ఇచ్చిన బాలయ్య సినిమాతోనే శ్రీకాంత్ విలన్ గా చేస్తున్నట్లు తెలుస్తోంది. వివరాల్లోకి వెళ్తే...
బాలకృష్ణ 101 మూవీ పూరీ జగన్నాథ్ తో పైసా వసూల్ చేస్తున్నాడు.. ఈ సినిమా తర్వాత 102 సినిమాగా కె ఎస్ రవికుమార్ దర్శకత్వంలో సినిమా చేయనున్నాడు.. ఈ సినిమాలో బాలయ్య సరసన మరోసారి నయనతార జోడీ కట్టనున్నదనే టాక్.. కాగా ఈ సినిమాలో విలన్ పాత్ర అతి కీలకం కనుక ఈ పాత్రలో నటించడానికి హీరో శ్రీకాంత్ ను తీసుకొనున్నట్లు తెలుస్తోంది. ఇప్పటికే శ్రీకాంత్ కొన్ని సినిమాల్లో క్యారెక్టర్ ఆర్టిస్టుగా అలరించాడు.. ఈ సారి ఏకంగా బాలయ్యతోనే పోటీకి సై అంటున్నాడు.. మరి జగపతి బాబు లాగే శ్రీకాంత్ కెరీర్ కూడా విలన్ గా ఫుల్ స్వింగ్ లోకి వస్తుందేమో చూడాలి మరి..