శ్రీరామ్‌ సినిమాస్‌ బ్యానర్‌పై నిర్మాత ఎస్‌.ఆర్‌.మోహన్‌ తెలుగు ప్రేక్షకులకు అందిస్తున్న సినిమా 'వాసుకి'. నయనతార టైటిల్‌ పాత్రలో నటించింది. మలయాళంలో మంచి విజయాన్ని సాధించిన 'పుదియనియమం' సినిమాకు తెలుగు అనువాదమే 'వాసుకి'. ఈ సినిమా ట్రైలర్‌, పాటలను శనివారం హైదరాబాద్‌లో విడుదల చేశారు.  

ఈ  సినిమా ట్రైలర్‌, సాంగ్‌ కు పాజిటివ్ రెస్పాన్స్ రావంతో సినిమా పై అంచనాలు పెరిగాయి. డబ్బింగ్‌ సినిమాలకైనా, రెగ్యులర్‌ సినిమాలకైనా మంచి కథ, మంచి సంగీతం, కథను చక్కగా తెరకెక్కింగల దర్శకుడు అవసరం. ఈ మూడు అంశాలు ఈ సినిమాకు ఉన్నాయి. ప్రస్తుతం  నయనతార నటిస్తోన్న ప్రతి సినిమా బ్లాక బస్టర్ రేంజ్ లో కాసుల వర్షం కురిపిస్తోంది. దీంతో ఈ సినిమా రిలీజై మంచి ఓపెనింగ్స్‌ వస్తాయిని చిత్రయూనీట్ భావిస్తోంది.  ప్రతి జనరేషన్‌లో మేల్‌ హీరో రేంజ్‌లో ఫిమేల్‌ హీరోయిన్‌ కూడా ఉంటుంది. ఒకప్పుడు విజయశాంతి, ఇప్పుడు అనుష్క, నయనతారలున్నారు. మెయిన్‌ హీరోస్‌కు ఏ మాత్రం తీసిపోని క్రేజ్‌ వీరిది. కాగా ఈ సినిమాతో నయన ఎలాంటి బజ్ క్రియేట్ చేస్తోందని అందరు ఆసక్తిగా ఎదురుచూస్తున్నారు.  అన్ని ఎలిమెంట్స్‌ ఉన్న సినిమా జులై 21న  రిలీజ్ కావాడానికి సిద్ధంగా ఉంది.