దుబాయ్ని ప్రపంచంలోనే అతిచక్కని నగరంగా తీర్చిదిద్దే క్రమంలో దుబాయ్ ప్రభుత్వం అనుసరిస్తున్న వివిధ కార్యక్రమాలకు తమవంతు సహకారంగా, 'రోడ్స్ అండ్ ట్రాన్స్‌పోర్ట్ ఆధారిటీ' వారు 'స్మార్ట్ రెన్యువల్' కార్యక్రమాన్ని ఆవిష్కరించారు. ఈ పద్ధతిలో విధానాలన్నీ సులభంగా, కంపెనీ ప్రతినిధులు తమ వాహనాల రిజిస్ట్రేషన్ ను పునరుద్ధరించుకోవడం కోసం పలుమార్లు సర్వీస్ సెంటర్లను సందర్శించడం వల్ల ఏర్పడే కష్ట నష్టాలను నివారించడానికి ఉద్దేశించబడిందని ఆర్. టి. ఏ. లైసెన్సింగ్ ఏజన్సీ వారి డైరక్టర్ ఆఫ్ వెహికల్స్ లైసెన్సింగ్ - సుల్తాన్ అల్ మర్జూకీ తెలియజేశారు. వాహనాల రిజిస్ట్రేషన్ గడువు ముగియడానికి 90 రోజుల ముందుగా వినియోగదారుడు రిజిస్టర్ చేసుకోవచ్చని, సంబంధిత రుసుమును కూడా కంపెనీ ఖాతా ద్వారా, ఈ-పర్స్ విధానంలో చెల్లించవచ్చని ఆయన తెలిపారు.